Go ikanyega ga Akhaonto

Dintlha Tsa Pholisi
Maitemogelo a Modirisi
Deitha

Dintlha tsa pholisi

FETOLA LLOKO
Mabaka a Pholisi
Go tswelela go nna le tikologo e e seng kotsi le go maatlafatsa go ntsha maikutlo ka kgololesego, re thibela kgotsa re tlosa diakhaonto tse di kotsi mo badirisimmogong. Re kopantse ditsamaiso tse di itirisang le tse di dirisiwang go thibela le go tlosa diakhaonto tse di dirisiwang go tlola dipholisi tsa rona ka tsela e e sa siamang kgotsa ka go sa kgaotse mo dithulaganyong dipe tsa rona.
Ereka go tlosiwa ga akhaonto e le kgato e e masisi, nako le nako fa go kgonega, boikaelelo jwa rona ke go naya badirisimmogo ba rona tshono ya go ithuta melao ya rona le go latela Melawana ya Badirisimmogo ya rona. Ka sekai, nako le nako go ntsiwa kitsiso fa re tlosa tshedimosetso, mme gantsi gape re naya batho tshedimosetso kaga mofuta wa tlolomolao le dithibelo dipe tse di dirisiwang. Dikgato tsa rona tsa kgatelelo ya tiragatsomolao di rulaganyeditswe gore re tsamaisane le bomasisi jwa tlolomolao, hisitori ya ditlolomolao mo akhaotong, le kafa badirisimmogo ba ka nnang mo kotsing kgotsa ba gobala ka teng. Ditlolomolao tse di tsweletseng, lemororo go na le dikgalemo le dikganelo tsa gangwe le gape, kgotsa ditlolomolao tse di ka bakang dikotsi tse di masisi, di tla dira gore akhaonto e timiwe.
Ithute go le gontsi mabapi le kafa Meta e gatelelang dipholisi tsa yone ka teng le go thibela diakhaonto mo Lefelong le go sa Fitlhwengmo go lone.
Re ka nna ra thibela kgotsa ra emisa tiriso ya diakhaonto, dilo tse dingwe (Ditsebe, ditlhopha, ditiragalo) kgotsa dithoto tsa kgwebo (Batsamaisi ba Kgwebo, diakhaonto tsa dipapatso) tse di:
  • Tlolang Melawana ya rona ya Badirisimmogo, tse di akaretsang ditshenyo tse di setlhogo, go akaretsa le tse re di romelang kwa go ba kgatelelo ya tiragatsomolao ka ntlha ya kotsi ya kgobalo e e bonalang mo mothong a le nosi kgotsa pabalesego ya botlhe
  • Tlolang Melawana ya rona ya Badirisimmogo, e e akaretsang ditshenyo dipe tse di tshwanelegang go ka romelwa go ba kgatelelo ya tiragatsomolao ka ntlha ya kotsi e e bonalang mo pabalesegong ya motho ka nosi le ya botlhe
  • Tlolang Melawana ya rona ya Go bapatsa e e akaretsang ditshenyo tsa kgwebo tse di tsietsang kgotsa tse di kotsi
  • Tswelelang go tlola Melawana ya Badirisimmogo ka go phouseta tshedimosetso e e tlolang molao le/kgotsa ka go laola ditheo tse di tlolang molao kgotsa dithoto tsa kgwebo
  • Tswelelang go tlola Melawana ya rona ya Go Bapatsa
  • Bontsha tiro kgotsa maitsholo a a kayang lebaka la ka boomo la go tlola molao
  • Ke ya badirisi ba dingwaga tse di ka fa tlase ga tse 18 ba ba tswelelang go tlola Melao ya rona ya Badirisimmogo ka go phouseta kgotsa go abelana ka tshedimosetso e e sa tshwaneleng dingwaga tse di rileng, go akaretsa (mme go sa lekanyediwa go) go nna lepona ga bagolo kgotsa thobalano, papatso kgotsa tlhagiso ya ditshwantsho tsa diritibatsi, bojalwa, kgotsa motsoko, ditshwantsho tsa tirisodikgoka tse di tshwenyang maikutlo, kgotsa bolwetse jwa go ikgobatsa kgotsa jwa go sa je sentle
Re ka nna ra thibela kgotsa ra emisa tiriso ya diakhaonto, ditheo tse dingwe (Ditsebe, ditlhopha, ditiragalo) kgotsa dithoto tsa kgwebo (Batsamaisi ba Kgwebo, diakhaonto tsa dipapatso) tse:
  • Beng ba tsone e leng motho yo o tshwanang kgotsa e leng setheo se se tshwanang le mong wa akhaonto e e emisitsweng go dira
  • Di tlhamileng kgotsa tse di fetotseng tiriso ya tsone go tila go phimolwa ga akhaonto kgotsa setheo sa nako e e fetileng, go akaretsa le tse di sekasekilweng mme ga fitlhelwa gore di na le mong a le mongwe le tshedimosetso e e tshwanang le ya diakhaonto kgotsa ditheo tse di tlositsweng mo nakong e e fetileng
  • Di tlhametsweng go ikgolaganya le modirisi yo o blokileng akhaonto
  • Di dirisitsweng ka tsela nngwe go tila ditiro tsa rona tsa kgatelelo ya tiragatsomolao kgotsa ditirego tsa rona tsa tshekatsheko
Re ka nna ra thibela kgotsa ra emisa tiriso ya diakhaonto, ditheo tse dingwe (Ditsebe, ditlhopha, ditiragalo) kgotsa dithoto tsa kgwebo (Batsamaisi ba Dipapatso, diakhaonto tsa dipapatso) tse di bontshang:
  • Kgolagano e e tiileng le neteweke ya diakhaonto kgotsa ditheo tse dingwe tse di tlolang kgotsa tse di tilang dipholisi tsa rona
  • Kgokaganyo mo netewekeng ya diakhaonto kgotsa ditheo tse dingwe tse di tlolang dipholisi tsa rona di sa kgaotse kgotsa ka tsela e e maswemaswe
  • Tiro kgotsa maitsholo a a kayang boikaelelo jo bo phepafetseng jwa tlolo ya molao ka tiriso ya neteweke ya diakhaonto
Re tla dira ka natla go thibela kgotsa go emisa tiriso ya diakhaonto kgotsa dilo tse dingwe (Ditsebe, ditlhopha, ditiragalo), kgotsa dithoto tsa kgwebo (Batsamaisi ba Kgwebo, diakhaonto tsa dipapatso) tse di tsayang karolo mo tirong epe e e sa direlweng mo polatefomong e e ka feleletsang e dirile tshenyo mo polatefomong ya rona, go akaretsa tse:
  • Mong wa yone o latofadiwa ka dilo tse di amanang le thobalano, o latofadiwa ka melato e e amanang le tshotlako ya bana kgotsa bagolo ka thobalano
  • Beng ba tsone e leng Setheo se se Tlhophilweng kgotsa tse ba di tsamaisang mo boemong jwa bone
  • Kganetsweng go amogela dithulaganyo tsa rona, ditirelo kgotsa sofotewee go ya ka melao e e maleba
Mo maemong a a latelang, re ka kopa tshedimosetso ya tlaleletso ka ga akhaonto go netefatsa gore mong wa yone ke mang le/kgotsa a go dirwa se se letleletsweng mo go yone:
  • Diakhaonto tse go tsenweng mo go tsone go sa tshwanela
  • Tlhamang kgotsa tse di dirisang akhaonto kgotsa setheo se sengwe ka mekgwa e e itirisang, e e jaaka go kwala disekiripoti (ntle le fa tiro ya go kwala e direga ka ditsela tse di reboletsweng tetla mme go sa tlole dipholisi tsa rona ka tsele epe)
  • Diakhaonto tse di se nang sepe mme di ntse di sa dirisiwe ka lobaka lo loleele thata
Ditiriso tsa modirisi
Bona dikai dingwe tsa kafa go tsenngwa tirisong ga molao go lebegang ka teng mo bathong ba ba mo Facebook, jaaka: go ntse jang go bega ka sengwe se o sa akanyeng gore se tshwanetse go nna mo Facebook, go bolelelwa gore o tlotse Melawana ya rona ya Badirisimmogo le go bona sekirine se se go tlhagisang mo dilong dingwe.
Ela tlhoko: Re a tokafala ka metlha, ka jalo se o se bonang fano se ka tswa e le sa bogologolo go se kae fa se bapisiwa le se re se dirisang ga jaana.
DITIRISO TSA MODIRISI
Go bega
MAITEMOGELO A MODIRISI
Puisano ya morago ga pego
MAITEMOGELO A MODIRISI
Maitemogelo a go tlosa
MAITEMOGELO A MODIRISI
Disekerine tsa tlhagiso
Deitha
Leba Pego ya go Diragatswa ga Melao ya Badirisimmogo ya bosheng thata
Tiragatso ya Molao
Re na le dipholisi tse di tshwanang mo lefatsheng lotlhe, tse di dirang mo go mongwe le mongwe mo Facebook.
Ditlhopha tsa basekaseki
Setlhopha sa rona sa basekaseki ba ba fetang ba le 15,000 ba mo lefatsheng lotlhe ba dira letsatsi le letsatsi go tshola batho ba ba mo Facebook ba babalesegile.
Tirisano le bannaleseabe
Bomankge ba kwa ntle, barutegi, di-NGO le batlhami ba dipholisi ba thusa go kaela tiriso ya Melawana ya Badirisimmogo ba Facebook.
Bona thuso mabapi le go ikanyega ga akhaonto
Ithute se o ka se dirang fa o bona sengwe mo Facebook se se thulanang le Melawana ya Badirisimmogo ya rona.
Etela Lefelo la rona la Thuso