Tinutulungan Ang Mga Teenager Na Makakita ng Content na Naaangkop sa Edad

IN-UPDATE MAY 13, 2026
Gusto naming magkaroon ng ligtas at positibong mga karanasan ang mga teenager sa Facebook at Instagram, kabilang na ang pagtulong sa kanila na i-explore ang kanilang mga interes habang tinitiyak na nakakakita sila ng content na naaangkop sa kanilang edad. Nagsisikap kami para maiwasang makakita ang mga teenager ng mga hindi naaangkop na content sa tatlong pangunahing paraan: pag-alis ng content sa kabuuan kapag lumabag ito sa aming mga patakaran, pagtatago ng ilang uri ng mature o sensitibong content sa mga teenager, at pagkakaroon ng mas mahigpit na pamantayan sa aming inirerekomenda.
Patuloy naming binabago ang aming approach para makatulong na matiyak na naibibigay namin sa mga teenager ang ligtas, naaangkop sa edad na mga experience, at para isama ang pinakamahusay na posibleng research at payo ng eksperto para makapagbigay ng peace of mind sa mga magulang. Gusto rin naming mas malapit na mai-align sa isang independent na pamantayan na pamilyar na sa mga pamilya, kaya sinuri namin ang aming mga alituntunin na naaangkop sa edad - mga alituntunin na tumutukoy kung aling content ang iha-hide namin sa mga teenager at iiwasang irekomenda sa kanila - ayon sa criteria ng mga movie rating para sa mga edad 13+ at feedback ng magulang. Ibig sabihin, layunin naming makakita ang mga teenager ng mga content sa Instagram at Facebook na katulad ng makikita nila sa isang pelikula na naaangkop sa edad, bilang default.
Tulad ng maaari kang makakita ng ilang malaswang content o makarinig ng masamang pananalita sa isang pelikula na ni-rate na naaangkop para sa 13+, maaaring makakita paminsan-minsan ang mga teenager ng tulad nito sa Instagram o Facebook - pero patuloy naming gagawin ang lahat ng aming makakaya para manatiling bihira lang hangga't maaari ang mga ganitong pangyayari. Kinikilala namin na walang perpektong system, at nakatuon kami sa pagpapahusay sa paglipas ng panahon.
Maraming pagkakaiba sa pagitan ng social media at mga pelikula. Hindi kami nakipagtulungan sa MPA noong ina-update ang mga setting ng content namin, at hindi nila nire-rate ang anumang content sa Instagram o Facebook, at hindi nila ini-endorse o inaaprubahan ang mga setting ng content namin sa anumang paraan. Sa halip, nakakuha kami ng inspirasyon mula sa mga pampublikong alituntunin ng MPA, na pamilyar na sa mga magulang, pati na rin ang feedback mula sa mga magulang. Ang aming mga system sa pag-moderate ng content ay hindi pareho sa movie rating board, kaya maaaring hindi pareho ang experience.
Maramihang Layer ng Proteksyon
Para sa lahat: Inaalis namin ang content na lumalabag sa aming Mga Pamantayan ng Komunidad. Mayroon din kaming mas mataas na pamantayan para sa uri ng content na inirerekomenda namin.
❌ Content na Inaalis Namin
Binabalangkas ng aming Mga Pamantayan ng Komunidad ang mga uri ng content na hindi namin pinapayagan sa Facebook at Instagram. Ganap naming inaalis ang content na ito para sa lahat - kabilang ang mga teenager - sa tuwing malalaman namin ito. Kapag inaalis namin ang content na lumalabag sa mga panuntunang ito, maaari din kaming mag-apply ng strike sa account na nag-share nito, at dini-disable namin ang mga account na paulit-ulit o malubhang lumalabag sa aming mga patakaran. Idinisenyo ang mga patakarang ito para protektahan ang lahat sa ating community, kabilang ang mga teenager.
Kasama sa mga uri ng content na ganap naming inaalis, pero hindi limitado sa:
Hindi namin pinapayagan ang content na puwedeng mang-abuso o manamantala ng mga tao, tulad ng mga post na naghihikayat sa walang pahintulot na sekswal na aktibidad, o pagbabahagi o paghingi ng materyal para sa pang-aabuso sa bata. Halimbawa, aalisin namin ang:
❌ Isang post na nag-aalok ng prostitusyon o humihiling sa sinuman na magpadala sa kanila ng pornography.
❌ Isang litrato ng sinuman sa intimate o sekswal na gawain, na ibinahagi nang walang pahintulot nila.
❌ Isang post na nag-aalok o humihingi ng materyal para sa pang-aabusong sekswal sa bata o larawan ng mga batang hubo't hubad.
Hindi namin pinapayagan ang content na naghihikayat, nagpaparangal, o nagpo-promote ng pagpapakamatay, pananakit sa sarili o mga eating disorder, habang binibigyan pa rin ng espasyo ang mga tao na pag-usapan ang kanilang sariling mga karanasan at humingi ng suporta. Halimbawa, aalisin namin ang:
❌ Isang post na positibong nagsasalita tungkol sa pagpapakamatay, pananakit sa sarili, o mga eating disorder.
❌ Isang Story na nagpapakita ng brutal na pananakit sa sarili.
❌ Isang comment na nangugutya sa isang tao dahil sa pagkakaroon ng eating disorder.
Hindi namin pinapayagan ang content na maaaring gumawa ng pananakot o pagbubukod, kabilang ang pambu-bully at harassment. Halimbawa, aalisin namin ang:
❌ Isang post na gumagamit ng hindi makataong pananalita laban sa mga tao batay sa kanilang lahi, relihiyon, etnisidad, gender identity, o sexual orientation.
❌ Isang comment na nangungutya sa mga biktima ng sexual assault.
❌ Isang post na nagbabantang maglabas ng impormasyong personal na kumikilala (tulad ng passport number) o nag-uudyok ng harassment sa isang tao.
Hindi namin pinapayagan ang pagbili, pagbebenta, o pagti-trade ng ilang nire-restrict na produkto at serbisyo sa aming mga platform. Hindi rin namin pinapayagan ang mga tao na mag-promote ng ilang partikular na uri ng substance o magbigay ng mga instruction kung paano gamitin ang mga ito. Halimbawa, aalisin namin ang:
❌ Isang Story na nag-o-offer na bumili, magbenta, o mag-trade ng iba't ibang uri ng droga.
❌ Isang post ng gustong bumili, magbenta, o mag-trade ng tobacco, nicotine, o alak
❌ Isang comment na nag-o-offer ng mga 3D-printed na bahagi ng baril.
Gumagawa kami ng ilang mga exception para sa mga lehitimong negosyo na legal na nag-o-offer ng ilang uri ng mga nire-restrict na produkto.
Hindi namin pinapayagan ang matinding graphic content, o content na maaaring magdulot ng banta sa personal na kaligtasan, gaya ng mga banta ng karahasan laban sa mga tao. Halimbawa, aalisin namin ang:
❌ Isang post na nagbabantang papatayin o kikidnapin ang ibang tao, o isa na naghihikayat sa iba na gumawa ng karahasan.
❌ Isang graphic na video na nagpapakita ng isang taong binubugbog o malubhang nasunog.
Gumagawa kami ng ilang partikular na exception para sa graphic content sa mga kontekstong medikal o kapag ibinahagi para magbigay ng kamalayan. Kung saan namin pinapayagan ang graphic content, karaniwang tinatakpan namin ito ng isang warning screen para ipaalam sa mga tao na maaaring sensitibo ang content bago nila i-click ito.
Ipinagbabawal namin ang pagpapakita ng nudity o sekswal na aktibidad pati na rin ang pananalita na may sekswal na tema. Halimbawa, aalisin namin ang:
❌ Inaalis namin ang mga larawan at video na naglalaman ng nudity o tahasang sekswal na aktibidad, kabilang ang na-generate ng AI.
❌Isang kuwento na may tahasan o graphic na paglalarawan ng mga karanasang sekswal (maliban kung nakakatawa o satirical ito).
Naiintindihan naming maaaring magbahagi ng nudity dahil sa iba't ibang dahilan, kasama na ang bilang paraan ng pagpoprotesta, para magbigay ng kamalayan tungkol sa isang cause, o para magturo o gumamot. Kung saan naaangkop at kung malinaw ang nasabing layunin, gumagawa kami ng mga pagpapahintulot para sa content.
Para sa buong detalye sa content na inaalis namin, tingnan ang aming Mga Pamantayan ng Komunidad.
🛡️ Content na Iniiwasan Naming Irekomenda
Gumagawa kami ng mga rekomendasyon sa mga lugar tulad ng Reels o Explore ng Instagram o Facebook Feed para matulungan ang mga tao na tumuklas ng bagong content na maaaring interesado sila. Mayroon kaming mga alituntunin tungkol sa uri ng content na puwedeng irekomenda, at iniiwasan ang paggawa ng mga rekomendasyong maaaring hindi maganda ang kalidad, hindi kanais-nais, o partikular na sensitibo—kahit na hindi gaanong malubha para alisin ang content. Ginagawa namin ito dahil sa tingin namin ay dapat magkaroon ng mas mahigpit na mga pamantayan kapag nagpapakita sa mga tao ng content mula sa mga account na hindi nila piniling i-follow.
⚠️ Karagdagang Content na Itinatago Namin sa Mga Teenager
Mga Teenager: Nagbibigay kami ng karagdagang proteksyon para sa mga teenager na wala pang 18 taong gulang. Nagha-hide kami ng mas maraming content, higit pa sa inaalis namin para sa lahat, at iniiwasan ring magrekomenda ng content sa mga teenager na inirerekomenda sa mga adult. Layunin naming makita ng mga teenager ang mga content sa Instagram at Facebook na katulad ng makikita nila sa isang pelikula na naaangkop sa edad nang default. Maaari lang ma-access ng mga teenager ang ikatlo, mas maluwag na setting - tinatawag na Marami Pang Content - kung may pahintulot ng magulang. Sa Instagram, maaaring mag-opt in ang mga teenager o ang mga magulang nila sa mas mahigpit na setting na tinatawag na Limitadong Content.
13+ (ang default): Ang 13+ na setting ng content ay hango sa criteria ng mga movie rating para sa mga edad 13+ at feedback ng magulang, at naka-on para sa mga teenager bilang default. Nakipagtulungan kami sa mga eksperto sa kabataan sa buong mundo para mas maunawaan kung anong mga uri ng content ang maaaring naaangkop para sa mga adult, pero masyadong mature para sa mga teenager na wala pang 18 taong gulang, at sinuri namin ang mga alituntuning naaangkop sa edad na ito ayon sa criteria ng mga movie rating para sa mga edad 13+ at feedback ng magulang. Sa setting na ito, iha-hide namin ang karagdagang content mula sa mga teenager bukod pa sa mga inalis na namin para sa lahat. Sa Facebook, ipinapatupad nang paunti-unti ang setting na 13+ at ang mga kaugnay na proteksyon. Lilimitahan ng 13+ na setting ng content ang interaction ng mga teenager sa mga profile at Page na pangunahing nagsi-share ng content na hindi naaangkop sa edad. Ibig sabihin, habang may access pa rin ang mga adult sa content na ito, hindi makikita o makaka-interact dito ang mga teenager, kahit na nai-share ito ng isang account na pina-follow nila sa kanilang Feed o Mga Story. Pipigilan din namin ang mga teenager na matuklasan, mag-follow at makipag-interact sa mga account na pangunahing nagsi-share ng content na hindi naaangkop sa edad.
Mag-click dito para makita ang mga uri ng content na iha-hide namin sa mga teenager sa default setting na ito
Iha-hide namin ang ilang partikular na content na nauugnay sa pagpapakamatay at pananakit sa sarili para maprotektahan ang mga teenager mula sa potensyal na nakakabagabag o sensitibong materyal. Halimbawa, nire-restrict namin sa edad ang:
⚠️ Isang post kung saan inilalarawan ng isang tao ang kanilang sariling mga personal experience sa pagpapakamatay, pananakit sa sarili o mga eating disorder, maliban sa konteksto ng recovery.
⚠️ Isang litrato o video na nagpapakita ng mga tao sa isang ospital na nagsasagawa ng euthanasia o tinulungang magpakamatay.
⚠️ Isang Story kung saan may isang nagsasalita tungkol sa kanilang ginagawa para sa labis na pagbabawas ng timbang.
Itinatago namin ang content mula sa mga teenager na maaaring makaimpluwensya sa kanila na sumali sa mga aktibidad na may potensyal na makapinsala. Halimbawa, nire-restrict namin sa edad ang:
⚠️ Isang post na nag-aalok na magbenta ng tabako, mga produktong nicotine, alak, o mga baril kapag ibinahagi ng isang lehitimong brick-and-mortar na negosyo.
⚠️ Isang Story na naghihikayat sa mga tao na uminom ng psychedelic drugs (kilala rin bilang mga entheogen) o mga produktong cannabis.
⚠️ Mga larawan na may mga recipe ng mga inuming alkoholiko.
⚠️ Isang post na nagbebenta ng mga produkto o serbisyo para sa pagbabawas ng timbang.
Itinatago namin ang karamihan sa mga graphic at nakakabahalang imahe mula sa mga teenager, kahit na pinapayagan namin ito sa likod ng warning screen para sa mga adult. Halimbawa, nire-restrict namin sa edad ang:
⚠️ Isang litrato ng taong lubhang nasunog, na tatakpan namin ng warning screen para sa mga adult.
⚠️ Isang litrato o video ng mga pamamaril, pagiging brutal o nakamamatay na banggaan ng sasakyan.
Iha-hide namin ang mga karagdagang content mula sa mga teenager na hindi nagtataglay ng tahasang nudity o sekswal na aktibidad pero posibleng nagpapahiwatig ng kalaswaan. Halimbawa, nire-restrict namin sa edad ang:
⚠️Isang post na halos may nudity, tulad ng nudity na tinatakpan ng digital overlay.
⚠️Isang litrato na naka-zoom in sa puwitan ng isang tao.
⚠️Isang Story na nagpapahiwatig ng sekswal na bagay para maglahad ng karanasang sekswal, kabilang ang paggamit ng mga sekswal na metapora.
Para sa buong detalye sa content na inaalis namin, tingnan ang aming Mga Pamantayan ng Komunidad.
Iiwasan din naming magrekomenda ng mas maraming uri ng content, kahit na naaayon ito sa criteria ng movie rating para sa mga edad 13+ at feedback ng magulang. Karamihan sa content na iniiwasan naming irekomenda sa mga adult ay ganap nang naka-hide mula sa mga teenager, pero ipinagpapatuloy pa namin ito para sa mga teenager at iniiwasan naming magrekomenda ng mga karagdagang uri ng content - tulad ng mga litrato o video na maaaring ituring na tahasang sekswal, labis na pagmumura, o mapanganib na mga stunt tulad ng pagtalon sa mataas na lugar.
Limitadong Content: Sa Instagram, para sa mga magulang na nais ng karagdagang control, ipinakilala namin ang isang bago at mas mahigpit na setting na tinatawag na Limitadong Content. Kapag naka-on ang setting ng Limitadong Content, ia-apply namin nang mas mahigpit ang aming mga content filter para i-hide ang mas maraming content mula sa Teen Account experience. Mas lilimitahan din namin ang mga resulta ng paghahanap, at io-off ang kakayahan ng mga teenager na makakita, mag-iwan o makatanggap ng comment sa mga post.
Marami pang Content: Puwede lang lumipat ang mga teenager sa setting na ‘Marami pang Content’ nang may pahintulot ng magulang, na maaari lamang ibigay ng mga magulang sa pamamagitan ng supervision ng magulang. Sa setting na ito, makakabenepisyo pa rin ang mga teenager mula sa mga automatic protection na nagha-hide ng mas maraming content sa mga teenager kaysa sa mga adult, at aalisin pa rin namin ang mga content kung lumalabag ito sa aming Mga Pamantayan ng Komunidad. Gayumpaman, maaaring mairekomenda sa mga teenager ang ilang content na hindi nila makikita sa mga setting na 13+ at Limitadong Content, at hindi namin iha-hide ang mga account na nagsi-share ng mga content na hindi naaangkop sa edad.
Disclaimer: Maraming pagkakaiba sa pagitan ng social media at mga pelikula. Hindi kami nakipagtulungan sa MPA noong ina-update ang mga setting ng content namin, at hindi nila nire-rate ang anumang content sa Instagram, at hindi nila ini-endorse o inaaprubahan ang mga setting ng content namin sa anumang paraan. Sa halip, nakakuha kami ng inspirasyon mula sa mga pampublikong alituntunin ng MPA, na pamilyar na sa mga magulang, pati na rin ang feedback mula sa mga magulang. Ang aming mga system sa pag-moderate ng content ay hindi pareho sa movie rating board, kaya maaaring hindi pareho ang experience.
Paano Mag-report ng Lumalabag na Content
Nagsisikap kami nang husto para tukuyin ang content na lumalabag sa aming mga panuntunan, at maagap naming nakikita ang karamihan sa content na inaalis namin gamit ang aming technology bago ito i-report sa amin. Kung makakita ka ng isang bagay na napalampas namin, mangyaring tumulong na gawing mas ligtas na lugar ang aming mga platform sa pamamagitan ng pagre-report nito sa Facebook o Instagram. Anonymous ang lahat ng report.
Karagdagang Resources
Naglalaman ang aming Mga Pamantayan ng Komunidad ng mga detalye sa mga uri ng content na inaalis at nire-restrict namin ayon sa edad para sa bawat policy area. Para basahin ang mga ito, mag-click dito.
Nakabuo din kami ng technology na aktibong tinutukoy ang mga potensyal na kahina-hinalang adult, tulad ng isang adult na paulit-ulit na bina-block o inire-report ng mga teenager, o kung ang isang adult ay paulit-ulit na naghahanap ng lumalabag na content. Hindi namin irerekomenda ang mga kahina-hinalang adult sa mga teenager, at hindi namin irerekomenda ang mga teenager sa mga kahina-hinalang adult. Mababasa mo pa ang tungkol dito rito.
Mababasa mo pa ang tungkol sa mga paraang ginagawa namin para mapanatiling ligtas ang aming community sa aming Safety Center, at ang mga paraang ginagawa namin para masuportahan ang mga teenager at pamilya sa aming Family Center.