किशोरवयीन मुलांना वयोमानानुसार कंटेन्ट पाहण्यात मदत करणे

अपडेट केलेले १३ मे, २०२६
आम्ही असे इच्छितो की किशोरवयीनांना Facebook आणि Instagram वर सुरक्षित, सकारात्मक अनुभव यावेत, ज्यामध्ये त्यांना त्यांची स्‍वारस्‍ये एक्सप्लोर करण्यात मदत करणे आणि त्यांच्या वयासाठी योग्य असलेला कंटेन्ट दाखवणे समाविष्ट आहे. आम्ही किशोरवयीनांना अनुचित कंटेन्ट पाहण्यापासून रोखण्यासाठी तीन मुख्य मार्गांनी काम करतो: आमच्या नियमांचे उल्लंघन करणारा कंटेन्ट पूर्णपणे काढून टाकणे, किशोरवयीनांपासून विशिष्ट प्रकारचा प्रौढ किंवा संवेदनशील कंटेन्ट लपवणे आणि आम्ही शिफारस करतो त्याबद्दल अधिक कडक निर्बंध घालणे.
आम्ही किशोरवयीनांना सुरक्षित, वयानुसार योग्य अनुभव मिळावेत यात्री खात्री करण्यात मदत व्हावी, यासाठी आम्ही आमच्या दृष्टिकोनात सातत्याने सुधारणा करत आहोत आणि पालकांना दिलासा मिळावा यासाठी सर्वोत्तम संशोधन आणि तज्ज्ञांच्या सल्ल्याचा समावेश करत आहोत. कुटुंबांना आधीपासून परिचित असलेल्या स्वतंत्र स्टँडर्डशी अधिक सुसंगत राहण्यासाठी, आम्ही आमच्या वयानुसार योग्य मार्गदर्शक तत्त्वांचा रिव्ह्यू केला - ही मार्गदर्शक तत्त्वे ठरवतात, की किशोरवयीनांपासून कोणता कंटेन्ट लपवायचा आणि त्यांना कोणता शिफारस करणे टाळायचा - हा रिव्ह्यू13+ वयोगटासाठीच्या चित्रपट रेटिंग निकषांच्या आधारे आणि पालकांच्या अभिप्रायाच्या आधारे करण्यात आला. याचा अर्थ असा, की डीफॉल्टनुसार किशोरवयीनांना Instagram आणि Facebook वर त्यांच्या वयानुसार योग्य असलेल्या चित्रपटांमध्ये दिसणाऱ्या कंटेन्टसारखाच कंटेन्ट पाहायला मिळावा, हे आमचे उद्दिष्ट आहे.
जसे की 13+ वयोगटासाठी योग्य मानल्या जाणाऱ्या चित्रपटांमध्ये कधीकधी सुचवलेला कंटेन्ट किंवा थोडी तीव्र स्वरूपाची भाषा ऐकायला मिळू शकते, तसेच किशोरवयीनांना Instagram किंवा Facebook वरही अधूनमधून असे काही दिसू शकते - पण अशा घटना शक्य तितक्या कमी राहाव्यात यासाठी आम्ही सर्वतोपरी प्रयत्न करत राहू. आम्हाला माहीत आहे, की कोणतीही सिस्टीम परिपूर्ण नसते आणि आम्ही सातत्याने सुधारणा करण्यास वचनबद्ध आहोत.
सोशल मीडिया आणि चित्रपटांमध्ये खूप फरक आहेत. आमची कंटेन्ट सेटिंग्ज अपडेट करताना आम्ही MPA सोबत काम केलेले नाही आणि ते Instagram किंवा Facebook वरील कोणत्याही कंटेन्टला रेटिंग देत नाहीत आणि आमच्या कंटेन्ट सेटिंग्जना कोणत्याही प्रकारे मान्यता किंवा समर्थन देत नाहीत. त्याऐवजी, आम्ही पालकांना आधीपासून परिचित आहेत अशा MPA यांच्या सार्वजनिक मार्गदर्शक तत्त्वांमधून, तसेच पालकांकडून मिळालेल्या अभिप्रायातूनही प्रेरणा घेतली. आमचा कंटेन्ट नियंत्रण सिस्टीम चित्रपट रेटिंग बोर्डासारखी नाही, त्यामुळे अनुभव अगदी सारखाच असेलच असे नाही.
संरक्षणाचे अनेक स्तर
प्रत्‍येकजणासाठी: आमच्या कम्युनिटी स्टँडर्डचे उल्लंघन करणारा कंटेन्ट आम्ही काढून टाकतो. आम्ही शिफारस केलेल्या कंटेन्टच्या प्रकारासाठी आमच्याकडे उच्च मर्यादादेखील आहे.
❌ आम्ही काढून टाकत असलेला कंटेन्ट
आमचे कम्युनिटी स्टँडर्ड आम्ही Facebook आणि Instagram वर अनुमती देत नाही अशा प्रकारच्या कंटेन्टची रूपरेषा दर्शवतात. आम्हाला याची जाणीव होते, तेव्हा - आम्ही हा कंटेन्ट किशोरवयीन मुलांसह - प्रत्येकासाठी पूर्णपणे काढून टाकतो. आम्ही या नियमांचे उल्लंघन करणारा कंटेन्ट काढून टाकतो, तेव्हा आम्ही ते शेअर केलेल्या खात्यावर स्ट्राइक लागूदेखील करू शकतो आणि आम्ही आमच्या धोरणांचे वारंवार किंवा गंभीरपणे उल्लंघन करणारी खाती अक्षम करू शकतो. ही धोरणे किशोरवयीन मुलांसह आमच्या कम्युनिटीमधील प्रत्येकाचे संरक्षण करण्यासाठी डिझाइन केलेली आहेत.
आम्ही पूर्णपणे काढून टाकतो अशा कंटेन्टच्या प्रकारांमध्ये पुढील गोष्टी समाविष्ट आहेत, परंतु त्यापुरतेच मर्यादित नाही:
लोकांचा गैरवापर किंवा शोषण करू शकणाऱ्या कंटेन्टला आम्ही अनुमती देत नाही, जसे की संमती नसलेल्या लैंगिक ॲक्टिव्हिटींना प्रोत्साहन देणाऱ्या पोस्ट किंवा बाल लैंगिक शोषणाबाबतचे मटेरियल शेअर करणे किंवा त्याबाबत विचारणे. उदाहरणार्थ, आम्ही पुढील गोष्टी काढून टाकू:
❌ वेश्याव्यवसायाची ऑफर देणारी किंवा एखाद्याला त्यांना पोर्नोग्राफी पाठवण्यास सांगणारी पोस्ट.
❌ एखाद्या व्यक्तीचा खाजगी किंवा लैंगिक कृतीतील फोटो, त्यांच्या संमतीशिवाय शेअर करणे.
❌ बाल लैंगिक शोषण मटेरियल किंवा नग्न मुलांची इमेज ऑफर करणारी किंवा विचारणारी पोस्ट.
आम्ही आत्महत्या, स्वयं-इजा किंवा खाण्याच्या विकारांना प्रोत्साहन देणाऱ्या, त्याची प्रशंसा करणाऱ्या किंवा प्रोत्साहन देणाऱ्या कंटेन्टला अनुमती देत नाही, तरीही लोकांना स्वत:च्या अनुभवांबद्दल बोलण्यासाठी आणि सपोर्ट शोधण्यासाठी जागा देत आहोत. उदाहरणार्थ, आम्ही पुढील गोष्टी काढून टाकू:
❌ आत्महत्या, स्वयं-इजा किंवा खाण्याच्या विकारांबद्दल सकारात्मक पोस्ट.
❌ ग्राफिकद्वारे स्वयं-इजा दर्शवणारी स्टोरी.
❌ खाण्याच्या विकारामुळे एखाद्याची थट्टा करणारी कमेंट.
दादागिरी आणि छळवणूक यासह धमकावण्याचे किंवा बहिष्काराचे वातावरण तयार करू शकणाऱ्या कंटेन्टला आम्ही अनुमती देत ​​नाही. उदाहरणार्थ, आम्ही पुढील गोष्टी काढून टाकू:
❌ कूळ, धर्म, वांशिकता, लिंग ओळख किंवा लैंगिक अभिमुखतेवर आधारित लोकांविरुद्ध अमानवीय भाषण वापरणारी पोस्ट.
❌ लैंगिक हल्ल्याला बळी पडलेल्यांची थट्टा करणारी कमेंट.
❌ वैयक्तिक ओळखण्याजोगी माहिती रिलीझ करण्याची धमकी देणारी (जसे की पासपोर्ट नंबर) किंवा एखाद्याचा छळ करण्यास प्रवृत्त करणारी पोस्ट.
आम्ही आमच्या प्लॅटफॉर्मवर काही प्रतिबंधित वस्तू व सेवांची खरेदी, विक्री किंवा व्यापार करण्यास अनुमती देत ​​नाही. आम्ही लोकांना विशिष्ट प्रकारचे पदार्थ प्रमोट करण्यास किंवा ते कसे वापरावेत याविषयीच्या सूचना देण्याची अनुमती देत नाही. उदाहरणार्थ, आम्ही पुढील गोष्टी काढून टाकू:
❌ विविध प्रकारच्या औषधांची खरेदी, विक्री किंवा व्यापार करण्याची ऑफर देणारी स्टोरी.
❌ तंबाखू, निकोटीन किंवा अल्कोहोल खरेदी, विक्री किंवा व्यापार करू पाहणारी पोस्ट
❌ 3D-मुद्रित बंदुकीचे भाग ऑफर करणारी कमेंट.
आम्ही कायदेशीर व्यवसायांसाठी काही अपवाद करतो जे कायदेशीररीत्या विशिष्ट प्रकारच्या प्रतिबंधित वस्तू ऑफर करतात.
आम्ही ग्राफिकचा मोठ्या प्रमाणात वापर केलेल्या कंटेन्टला किंवा वैयक्तिक सुरक्षेला धोका निर्माण करणाऱ्या कंटेन्टला अनुमती देत नाही, जसे की लोकांना हिंसाचाराच्या धमक्या देणे. उदाहरणार्थ, आम्ही पुढील गोष्टी काढून टाकू:
❌ एखाद्या व्यक्तीला मारण्याची किंवा त्याचे अपहरण करण्याची धमकी देणारी पोस्ट किंवा इतरांना हिंसा करण्यास प्रोत्साहित करणारी पोस्ट.
❌ एखाद्या व्यक्तीला अपंग किंवा गंभीरपणे भाजलेले दाखवणारा ग्राफिक व्हिडिओ.
आम्ही वैद्यकीय संदर्भात किंवा जागरूकता वाढवण्यासाठी शेअर केलेल्या ग्राफिक कंटेन्टसाठी काही अपवाद करतो. आम्ही जेथे ग्राफिक कंटेन्टला अनुमती देतो, तेथे आम्ही तो साधारणतः चेतावणी स्क्रीनने कव्हर करतो, जेणेकरून लोकांनी त्यावर क्लिक करण्यापूर्वी त्यांना कळावे की कंटेन्ट संवेदनशील असू शकतो.
आम्ही नग्नता किंवा लैंगिक ॲक्टिव्हिटी तसेच लैंगिकदृष्ट्या स्पष्ट भाषेचे प्रदर्शन प्रतिबंधित करतो. उदाहरणार्थ, आम्ही पुढील गोष्टी काढू शकतो:
❌ नग्नता किंवा स्पष्ट लैंगिक ॲक्टिव्हिटी असलेली इमेज किंवा व्हिडिओ, ज्यामध्ये AI द्वारे जनरेट केलेल्या गोष्टीदेखील समाविष्ट आहेत.
❌ लैंगिक अनुभवांचे स्पष्ट किंवा ग्राफिक वर्णन असलेली स्टोरी (जोपर्यंत ती विनोदी किंवा उपहासात्मक नसेल).
आम्हाला समजते, की नग्नता विविध कारणांसाठी शेअर केली जाऊ शकते, यातील निषेधाचा प्रकार म्हणून एखाद्या कारणाबद्दल किंवा शैक्षणिक किंवा वैद्यकीय कारणांसाठी जागरूकता वाढवणे यांचा समावेश आहे. जिथे योग्य असेल आणि हेतू स्पष्ट असेल तिथे आम्ही या कंटेन्टसाठी परवानगी देतो.
आम्ही काढून टाकलेल्या कंटेन्टच्या संपूर्ण तपशिलांसाठी, आमची कम्युनिटी स्टँडर्ड पहा.
🛡️ आम्ही शिफारस करणे टाळतो असा कंटेन्ट
लोकांना स्वारस्य असलेला नवीन कंटेन्ट शोधण्यात मदत करण्यासाठी आम्ही Instagram Reels आणि Explore किंवा Facebook फीड यासारख्या ठिकाणांची शिफारसी करतो. आमच्याकडे कोणत्या प्रकारच्या कंटेन्टची शिफारस केली जाऊ शकते याबद्दल मार्गदर्शक तत्त्वे आहेत आणि कंटेन्ट काढून टाकण्यासाठी पुरेसा गंभीर नसला, तरीही कमी-गुणवत्तेच्या, आक्षेपार्ह किंवा विशेषतः संवेदनशील अशा शिफारशी देणे टाळतो. याचे कारण असे की, लोकांना त्यांनी फॉलो न करणे निवडलेल्या खात्यांमधील कंटेन्ट दाखवताना कठोर स्टँडर्ड असावीत असे आम्हाला वाटते.
⚠️ अतिरिक्त कंटेन्ट जो आम्ही किशोरवयीन मुलांसाठी लपवतो
किशोरवयीन: आम्ही 18 वर्षांखालील किशोरवयीनांसाठी अतिरिक्त संरक्षणे ऑफर करतो. आम्ही सर्वांसाठी काढून टाकलेल्या कंटेन्टपेक्षा जास्त कंटेन्ट लपवतो आणि प्रौढांसाठी शिफारस करण्‍यायोग्य असलेल्या कंटेन्टची किशोरवयीनांना शिफारस करणेदेखील टाळतो. आमचे उद्दिष्ट हे आहे की किशोरवयीन मुलांना Instagram आणि Facebook वर स्वाभाविकपणे असा कंटेन्ट दिसावा, जो त्यांच्या वयाला साजेशा चित्रपटात दिसणाऱ्या कंटेन्टसारखा असेल. किशोरवयीनांना अधिक कंटेन्ट नावाच्या तिसऱ्या, अधिक सवलतीच्या सेटिंगचा वापर फक्त पालकांच्या परवानगीनेच करता येईल. Instagram वर, किशोरवयीन किंवा त्यांचे पालक मर्यादित कंटेन्ट नावाच्या अधिक मर्यादित सेटिंगचा पर्याय निवडू शकतात.
13+ (डीफॉल्ट): 13+ कंटेन्ट सेटिंग हे वय 13+वरील वयोगटासाठीच्या चित्रपट रेटिंग निकषांवर आणि पालकांच्या अभिप्रायावर आधारित आहे आणि ते किशोरवयीनांसाठी डीफॉल्टने सुरू ठेवलेले असते. प्रौढांसाठी असा कोणत्या प्रकारचा कंटेन्ट योग्य असू शकतो परंतु 18 वर्षांखालील किशोरवयीनांसाठी खूप प्रौढ असू शकतो हे अधिक चांगल्या प्रकारे समजून घेण्यासाठी आम्ही जगभरातील युवा तज्ज्ञांसोबत काम केले आहे आणि आम्ही 13+ वयोगटातील चित्रपट रेटिंग निकषांच्या आणि पालकांच्या अभिप्रायाच्या संदर्भात या वयानुसार मार्गदर्शक तत्त्वांचा रिव्ह्यू केला आहे. या सेटिंगमध्ये, आम्ही सर्वांसाठी आधीच काढलेल्या कंटेन्ट पलीकडेही किशोरवयीनांपासून अतिरिक्त कंटेन्ट लपवू. Facebook वर, 13+ सेटिंग आणि त्यासोबत असलेली संरक्षणे टप्प्याटप्प्याने लागू केली जात आहेत. 13+ कंटेन्ट सेटिंग किशोरवयीनांना अशा प्रोफाइल आणि पेजेससोबतचे इंटरॅक्शन मर्यादित करेल, जे प्रामुख्याने वयानुसार योग्य नसलेला कंटेन्ट शेअर करते. याचा अर्थ असा, की प्रौढांना हा कंटेन्ट तरीही पाहता येईल, पण किशोरवयीनांना तो पाहता किंवा त्यासोबत इंटरॅक्ट करता येणार नाही, अगदी त्यांनी फॉलो केलेल्या खात्याकडून तो त्यांच्या फीड किंवा स्टोरीमध्ये शेअर झाला तरीही. आम्ही किशोरवयीनांना अशा खात्यांचा शोध घेणे, त्यांना फॉलो करणे आणि त्यांच्याशी इंटरॅक्ट करणे यापासूनही प्रतिबंधित करू, जे प्रामुख्याने वयानुसार योग्य नसलेला कंटेन्ट शेअर करतात.
या डीफॉल्ट सेटिंगमध्ये आम्ही किशोरवयीनांसाठी लपवू अशा काही प्रकारचा कंटेन्ट पाहण्यासाठी येथे क्लिक करा
किशोरवयीनांना संभाव्य त्रासदायक किंवा संवेदनशील कंटेन्टपासून वाचवण्यासाठी आम्ही आत्महत्या व स्वयं-इजा करण्याशी संबंधित काही कंटेन्ट लपवतो. उदाहरणार्थ, आम्ही वयानुसार पुढील गोष्टी प्रतिबंधित करतो:
⚠️ एखादी पोस्ट ज्यामध्ये कोणीतरी पुनर्प्राप्तीच्या संदर्भात आत्महत्या, स्वयं-इजा किंवा खाण्याच्या विकारांबद्दलच्या स्वतःच्या वैयक्तिक अनुभवांचे वर्णन करत आहे.
⚠️ रूग्णालयातील इच्छामरणाची मागणी करत असलेले किंवा आत्महत्येस मदत करत असलेले लोक दाखवणारा फोटो किंवा व्हिडिओ.
⚠️ एक अशी स्टोरी जिथे कोणीतरी स्वतःचे अत्यंत जास्त वजन कमी करण्याच्या वर्तनाबद्दल बोलत आहे.
आम्ही किशोरवयीन मुलांपासून असा कंटेन्ट लपवतो, जो त्यांना संभाव्य हानिकारक ॲक्टिव्हिटीमध्ये गुंतण्यासाठी प्रभावित करू शकतो. उदाहरणार्थ, आम्ही वयानुसार पुढील गोष्टी प्रतिबंधित करतो:
⚠️ कायदेशीर ब्रिक आणि मोर्टार व्यवसायांनी शेअर केल्यावर तंबाखू, निकोटीन प्रॉडक्ट, अल्कोहोल किंवा बंदुका विकण्याची ऑफर देणारी पोस्ट.
⚠️ लोकांना सायकेडेलिक औषधे (ज्याला एन्थिओजेन्स असेही म्हणतात) किंवा कॅनाबिस प्रॉडक्ट घेण्यास प्रोत्साहित करणारी एक स्टोरी.
⚠️ अल्कोहोलिक पेयांच्या पाककृतींसह इमेज.
⚠️ वजन कमी करणारी प्रॉडक्ट किंवा सर्व्हिस विकणारी पोस्ट.
प्रौढांसाठी चेतावणी स्क्रीनच्या मागे अनुमती दिली असली तरीही, आम्ही किशोरवयीन मुलांपासून बहुतेक ग्राफिक आणि त्रासदायक इमेज लपवतो. उदाहरणार्थ, आम्ही वयानुसार पुढील गोष्टी प्रतिबंधित करतो:
⚠️ गंभीरपणे भाजलेल्या व्यक्तीचा फोटो, ज्याला आम्ही प्रौढांसाठी चेतावणी स्क्रीनने कव्हर करू.
⚠️ गोळीबार, क्रूरता किंवा प्राणघातक कार अपघातांचा फोटो किंवा व्हिडिओ.
आम्ही किशोरवयीनांकडील असा अतिरिक्त कंटेन्ट लपवतो ज्यामध्ये स्पष्ट नग्नता किंवा लैंगिक ॲक्टिव्हिटी नसतात परंतु तो लैंगिकदृष्ट्या अश्लील मानला जाऊ शकतो. उदाहरणार्थ, आम्ही वयानुसार पुढील गोष्टी प्रतिबंधित करतो:
⚠️ डिजिटल ओव्हरलेने झाकलेली नग्नता यासारखी जवळजवळ नग्नता असलेली पोस्ट.
⚠️ एखाद्याच्या नितंबांवर झूम केलेला फोटो.
⚠️ लैंगिक चकमकींचे वर्णन करणारी लैंगिक सूचक भाषा असलेली स्टोरी, ज्यामध्ये लैंगिक रूपकांचा वापर समाविष्ट आहे.
आम्ही काढलेल्या कंटेन्टच्या संपूर्ण तपशिलांसाठी, आमची कम्युनिटी स्टँडर्ड पहा.
कंटेन्ट 13+ वयोगटासाठीच्या चित्रपट रेटिंग निकषांच्या आणि पालकांच्या अभिप्रायाशी सुसंगत असला, तरीही आम्ही आणखी काही प्रकारच्या कंटेन्टची शिफारस करणेही टाळू. आम्ही प्रौढांना शिफारस करण्याचे टाळत असलेला बराच कंटेन्ट आधीच किशोरवयीनांपासून पूर्णपणे लपवलेला असतो परंतु आम्ही किशोरवयीनांसाठी आणखी काही कंटेन्टची शिफारस करणे टाळतो - जसे की फोटो किंवा व्हिडिओ जे सुस्पष्टपणे लैंगिक म्हणून पाहिले जाऊ शकतात, ज्यात तीव्र शिवीगाळ असते, उंचावरून उडी मारण्यासारखे जोखीम असलेले स्टंट असतात.
मर्यादित कंटेन्ट: Instagram वर, अतिरिक्त नियंत्रणांना प्राधान्य देणाऱ्या पालकांसाठी, आम्ही मर्यादित कंटेन्ट नावाचे एक नवीन, आणखी प्रतिबंधात्मक सेटिंग सादर केले आहे. मर्यादित कंटेन्ट सेटिंग चालू केल्यावर, किशोरवयीन खात्याच्या अनुभवामधील आणखी कंटेन्ट लपवण्यासाठी आम्ही आमचे कंटेन्ट फिल्टर अधिक मजबूतपणे लागू करू. आम्ही शोध परिणामांवर आणखी मर्यादा घालू आणि किशोरवयीनांची पोस्टखालील कमेंट पाहण्याची, देण्याची किंवा प्राप्त करण्याची क्षमता बंद करू.
अधिक कंटेन्ट: किशोरवयीन केवळ पालकांच्या परवानगीनेच 'अधिक कंटेन्ट' सेटिंगवर स्विच करू शकतात, जी पालक केवळ पालकांचे सुपरव्हिजन याद्वारे प्रदान करू शकतात. या सेटिंगमध्ये, किशोरवयीनांना अद्यापही स्वयंचलित संरक्षणांमुळे फायदा होईल जे आम्ही प्रौढांपासून लपवतो त्यापेक्षा जास्त कंटेन्ट किशोरवयीनांपासून लपवतात आणि जर तो आमच्या कम्युनिटी स्टँडर्डचे उल्लंघन करत असल्यास, आम्ही तो पूर्णपणे काढून टाकू. तथापि, किशोरवयीनांसाठी असा काही कंटेन्ट शिफारस केला जाऊ शकतो, जो 13+ आणि मर्यादित कंटेन्ट सेटिंग्जमध्ये त्यांना दिसणार नाही, तसेच, वयानुसार अयोग्य कंटेन्ट शेअर करणारी संपूर्ण खाती आम्ही लपवणार नाही.
अस्‍वीकरण: सोशल मीडिया आणि चित्रपटांमध्ये खूप फरक आहेत. आमच्या कंटेन्ट सेटिंग्ज अपडेट करताना आम्ही MPA सोबत काम केले नाही आणि ते Instagram आणि Facebook वरील कोणत्याही कंटेन्टला रेटिंग देत नाहीत, तसेच ते आमच्या कंटेंट सेटिंग्जला कोणत्याही प्रकारे मान्यता किंवा समर्थन देत नाहीत. त्याऐवजी, आम्ही पालकांना आधीच परिचित असलेल्या MPA च्या सार्वजनिक मार्गदर्शक तत्त्वांना, तसेच पालकांकडून मिळालेल्या अभिप्रायामधून प्रेरणा घेतली. आमच्या कंटेन्ट नियंत्रण सिस्टीम चित्रपट रेटिंग बोर्डसारख्या नसतात, त्यामुळे अनुभव कदाचित तंतोतंत समान नसू शकतो.
उल्लंघन करणाऱ्या कंटेन्टची तक्रार कशी करावी
आम्ही आमच्या नियमांचे उल्लंघन करणारा कंटेन्ट ओळखण्यासाठी कठोर परिश्रम करतो आणि त्यांनी आम्हाला रिपोर्ट करण्यापूर्वी आमच्या तंत्रज्ञानाचा वापर करून आम्ही हटवलेला बहुतांश कंटेन्ट आम्हाला आढळतो. आमच्याकडून चुकून राहून गेलेले काही तुम्हाला दिसल्यास, कृपया Facebook किंवा Instagram वर रिपोर्ट करून आमच्या प्लॅटफॉर्मला अधिक सुरक्षित ठिकाण बनविण्यात मदत करा. सर्व रिपोर्ट निनावी आहेत.
अतिरिक्त संसाधने
आमच्या कम्युनिटी स्टँडर्डमध्ये आम्ही कोणत्या प्रकारचा कंटेन्ट काढून टाकतो आणि प्रत्येक धोरण विभागासाठी वय-प्रतिबंधित करतो याचे तपशील असतात. ते वाचण्यासाठी, येथे क्लिक करा.
आम्ही तंत्रज्ञानदेखील विकसित केले आहे जे संभाव्य संशयास्पद प्रौढांना सक्रियपणे ओळखते, जसे की एखाद्या प्रौढ व्यक्तीला वारंवार ब्लॉक केले गेले आहे किंवा किशोरवयीन मुलांनी तक्रार केली आहे किंवा एखाद्या प्रौढ व्यक्तीने वारंवार उल्लंघन करणारा कंटेन्ट शोधल्यास. आम्ही किशोरवयीन मुलांना संशयास्पद प्रौढांची शिफारस करणार नाही आणि आम्ही संशयास्पद प्रौढांना किशोरवयीन मुलांची शिफारस करणार नाही. तुम्ही याबद्दल येथे अधिक वाचू शकता.
आमच्या सुरक्षा केंद्रावर आमची कम्युनिटी सुरक्षित ठेवण्यासाठी आम्ही कोणत्या मार्गांनी मदत करतो आणि आम्ही आमच्या कुटुंब केंद्रावर किशोरवयीन मुलांना आणि कुटुंबांना कशा प्रकारे मदत करतो याबद्दल तुम्ही अधिक वाचू शकता.