कसैको Facebook प्रोफाइल, पेज वा उपनाम ब्लक गर्नुहोस्

लिङ्कको प्रतिलिपि बनाउनुहोस्
Android एप मद्दत
कम्प्युटर मद्दत
iPad एप मद्दत
iPhone एप मद्दत
मोबाइल ब्राउजर मद्दत
Facebook Lite एप मद्दत
तपाईंले प्रोफाइल वा पेज ब्लक गरेपछि एकअर्काका टाइमलाइन, पोस्ट, कमेन्ट वा म्यासेजहरूसँग अन्तर्क्रिया गर्ने जस्ता निश्चित कार्यहरू सीमित पारिने छन्। यसमा एप, गेम वा तपाईं दुवै जना सामेल भएका समूहहरू समावेश हुँदैनन्। तपाईं अहिले उक्त प्रोफाइल वा पेजसँग कनेक्ट हुनुहुन्छ भने तपाईंले यसलाई ब्लक गर्नाले यसलाई साथीको सूचीबाट हटाइने, अनलाइक गरिने र अनफलो गरिने छ।
तपाईंले Facebook समूहमा कुनै उपनामलाई ब्लक गरेपछि उक्त उपनामले तपाईंको समूहको सामग्रीसँग अन्तर्क्रिया गर्ने क्षमता सीमित गरिने छ।
तपाईंसँग थप Facebook प्रोफाइलहरू छन् भने तपाईंले आफ्नो प्रत्येक प्रोफाइलबाट छुट्टाछुट्टै रूपमा ब्लकिङ व्यवस्थापन गर्नु पर्ने हुन्छ।
तपाईं कुनै प्रोफाइल वा पेज ब्लक गर्ने तरिकाका बाेरमा थप जान्न सक्नुहुन्छ।

कुनै प्रोफाइल वा पेजलाई ब्लक गर्नुहोस्

Facebook मा कसैलाई ब्लक गर्न निम्न कार्य गर्नुहोस्:
  1. उनीहरूको प्रोफाइल वा पेजमा जानुहोस्।
  2. विकल्पहरू (वा थप)मा क्लिक गर्नुहोस्।
  3. ब्लक गर्नुहोस् भन्ने विकल्पमा क्लिक गर्नुहोस्, त्यसपछि पुष्टि गर्नुहोस् भन्ने विकल्पमा क्लिक गरेर तपाईं उनीहरूलाई ब्लक गर्न चाहनुहुन्छ भन्ने पुष्टि गर्नुहोस्।
तपाईं सेटिङ तथा गोपनीयता > सेटिङ > ब्लकिङमा गएर र कसैको नाम टाइप गरेर उनीहरूलाई ब्लक गर्न पनि सक्नुहुन्छ।
नोट: ब्लक गर्नुहोस् भन्ने विकल्प अब फिडमा रहेको पोस्ट मेनुबाट सिधै उपलब्ध हुँदैन। तपाईं अझै पनि कसैको प्रोफाइलबाट वा आफ्नो सेटिङमार्फत कसैलाई ब्लक गर्न सक्नुहुन्छ।
तपाईं ब्लक गर्नेसम्बन्धी सेटिङमा गएर कुनै प्रोफाइल वा पेजलाई ब्लक गर्न पनि सक्नुहुन्छ।
  1. Facebook को माथिल्लो दायाँ भागमा रहेको आफ्नो प्रोफाइल फोटोमा क्लिक गर्नुहोस्।
  2. सेटिङ तथा गोपनीयता चयन गर्नुहोस्, त्यसपछि सेटिङमा क्लिक गर्नुहोस्।
  3. मेनुमा दर्शक तथा दृश्यताअन्तर्गत ब्लक गर्ने भन्ने विकल्पमा क्लिक गर्नुहोस्।
  4. ब्लक गरिएका प्रोफाइल र पेजहरू नामक खण्डमा सम्पादन गर्नुहोस् भन्ने बटनमा क्लिक गर्नुहोस्।
  5. ब्लक गरिएका प्रोफाइल र पेजहरूको सूचीमा हाल्नुहोस् मा क्लिक गर्नुहोस्।
  6. आफूले ब्लक गर्न चाहेको प्रोफाइल वा पेजको नाम टाइप गर्नुहोस्।
  7. उनीहरूको नामको छेउमा रहेको ब्लक गर्नुहोस् मा क्लिक गर्नुहोस्।
  8. पुष्टि गर्नुहोस् मा क्लिक गर्नुहोस्।
नोट: तपाईंलाई आफूले ब्लक गर्न चाहनुभएको प्रोफाइल भेट्टाउन समस्या भइरहेको छ भने तपाईं Facebook प्रोफाइलसँग सम्बद्ध इमेल प्रयोग गरी हेर्न सक्नुहुन्छ।

Facebook समूहमा कुनै उपनामलाई ब्लक गर्नुहोस्

  1. तपाईंले ब्लक गर्न चाहनुभएको उपनामका पोस्ट वा कमेन्ट भेट्टाउनुहोस्।
  2. उपनाम वा उपनामको प्रोफाइल फोटोमा क्लिक गर्नुहोस्।
  3. यसको समूहको प्रोफाइल पेजको उपनामको छेउमा रहेको विकल्पहरूमा क्लिक गर्नुहोस्।
  4. [Nickname] लाई ब्लक गर्नुहोस् भन्ने विकल्पमा क्लिक गर्नुहोस्, त्यसपछि ब्लक गर्नुहोस् भन्ने विकल्पमा क्लिक गरेर तपाईं उनीहरूलाई ब्लक गर्न चाहनुहुन्छ भन्ने पुष्टि गर्नुहोस्।
    • नोट: समूहलाई कुनै उपनामलाई ब्लक गर्नाले उक्त उपनामलाई मात्र ब्लक गर्छ र उक्त उपनामसँग सम्बद्ध मुख्य प्रोफाइललाई ब्लक गर्दैन।

तपाईंले कुनै प्रोफाइल वा पेजलाई ब्लक गरेपछि के हुन्छ

तपाईंले कुनै प्रोफाइल वा पेजलाई ब्लक गर्दा उक्त प्रोफाइल वा पेजले निम्न कुरा गर्न सक्ने छैन:
  • तपाईंका पोस्टहरू हेर्न।
  • तपाईंलाई पोस्ट, टिप्पणी वा फोटोहरूमा ट्याग गर्न।
  • तपाईंलाई कार्यक्रम वा समूहहरूमा आमन्त्रण गर्न।
  • तपाईंसँग कुराकानी सुरु गर्न।
  • तपाईंलाई साथी बनाउन।

मैले कुनै समूहमा कुनै उपनामलाई ब्लक गरेमा के हुन्छ?

तपाईंले कुनै समूहमा कुनै उपनामलाई ब्लक गर्दा उक्त उपनामले निम्न कार्य गर्न सक्ने छैनन्:
  • उक्त समूहमा रहेका पोस्ट वा कमेन्टहरूमा तपाईंलाई ट्याग गर्न।
  • उक्त समूहमा तपाईंको सामग्रीमा अन्तर्क्रिया गर्न।
केही अवस्थाहरूमा उनीहरूले अझै पनि तपाईंको सामग्री देख्न सक्छन्। तपाईंले समूहमा कुनै उपनामलाई ब्लक गर्दा तपाईंले उक्त समूहमा उक्त उपनामले गरेका कुनै पोस्ट वा कमेन्टहरू देख्नु हुने छैन। तपाईंले अन्य समूहहरूमा उक्त उपनामका सामग्री देख्न सक्नुहुन्छ।

तपाईंले कुनै प्रोफाइल ब्लक गर्दा विचार गर्नु पर्ने अन्य कुराहरू

कसैलाई ब्लक गर्नाले सबै सञ्चार वा अन्तरक्रियाहरू नरोक्न सक्छन् भनी याद राख्नुहोस् (उदाहरणका लागि, एप वा समूहहरूमा)। तपाईंले कसैको प्रोफाइल ब्लक गर्दा तपाईं के देख्न सक्नुहुन्छ भन्नेबारे थप जान्नुहोस्।

तपाईंले एकभन्दा बढी प्रोफाइल भएको कसैलाई ब्लक गर्दा

  • उक्त व्यक्तिको एउटा प्रोफाइल ब्लक गर्दा उक्त प्रोफाइल मात्र ब्लक हुन्छ। यसले उनीहरूका अन्य प्रोफाइलहरू ब्लक गर्दैन। यसको अर्थ उनीहरूले अझै पनि उनीहरूका अन्य प्रोफाइलहरूसँग अन्तरक्रिया गर्न सक्छन्।
    • उदाहरणका लागि, तपाईंले ती अन्य प्रोफाइलहरूसँग कुराकानी सुरु गर्न वा तिनीहरूलाई साथीको रूपमा थप्न सक्नुहुन्छ।
  • तपाईंले कसैको प्रोफाइल ब्लक गर्नुभयो भने यसले उनीहरूले अन्य प्रोफाइलबाट तपाईंसँग अन्तर्क्रिया गर्न सक्ने केही तरिकाहरू सीमित गर्ने छ।

तपाईंले एकभन्दा बढी उपनाम भएको कसैलाई ब्लक गर्दा

उक्त व्यक्तिको एउटा उपनाम ब्लक गर्दा उक्त उपनाम मात्र ब्लक हुन्छ। यसले उक्त उपनामसँग सम्बद्ध मुख्य प्रोफाइल वा उक्त मुख्य प्रोफाइलसँग सम्बन्ध अन्य उपनामहरू ब्लक गर्दैन। यसको अर्थ तपाईंले अझै पनि उहाँसँग सम्बद्ध अन्य उपनाम वा मुख्य प्रोफाइलका सामग्री देख्न सक्नुहुन्छ।

यी कुराहरू सम्झनुहोस्

  • तपाईंले कुनै प्रोफाइल ब्लक गरेर त्यसपछि यसलाई अनब्लक गर्नुभयो भने तपाईंले उक्त प्रोफाइललाई साथी बन्ने नयाँ अनुरोध पठाउनु पर्ने हुन्छ। तपाईंले कुनै पेजलाई ब्लक गर्नुभयो र त्यसपछि अनब्लक गर्नुभयो भने तपाईंले उक्त पेजलाई फेरि फलो गर्नु पर्ने हुन्छ।
  • तपाईंले प्रोफाइल, पेज र उपनामहरूलाई ब्लक गर्दा उक्त प्रोफाइल पेज र उपनामहरूलाई सूचित गरिने छैन।

हो
अँह

Other ways to get help

Chat with Meta AI support assistant
Resolve issues, make changes and get support in real time