Facebook တွင် အဆင့်မြင့် ကာကွယ်ရေးစနစ်ဖွင့်ရန် နည်းလမ်းများ

လင့်ခ်ကို ကူးယူရန်

ကွန်ပျူတာ အကူအညီ

iPad အက်ပ် အကူအညီ

iPhone အက်ပ် အကူအညီ

Android App အကူအညီ

မိုဘိုင်းဘရောက်ဇာအကူအညီ

ကွန်ပျူတာ အကူအညီ

iPad အက်ပ် အကူအညီ

iPhone အက်ပ် အကူအညီ

Android App အကူအညီ

မိုဘိုင်းဘရောက်ဇာအကူအညီ

ကျွန်ုပ်တို့သည် လူများကို Meta အကောင့်များဆီ ဖြည်းဖြည်းချင်း ပြောင်းရွှေ့ပေးနေပါသည်။ သင့်အကောင့်ဆက်တင်များကို စီမံရန်နေရာအဖြစ် အကောင့်စင်တာ ဖြစ်စေ၊ Meta အကောင့်ဆက်တင်များဖြစ်စေ သင်မြင်တွေ့နိုင်ပါသည်။

အဆင့်မြင့် ကာကွယ်ရေးစနစ်ဆိုတာ ဘာပါလဲ။

Facebook အပါအဝင် လူမှုကွန်ရက် ပလက်ဖောင်းများပေါ်တွင် အချို့သော အကောင့်များသည် အချက်အလက် လိမ်လည်ခိုးယူရန် တိုက်ခိုက်မှုများနှင့် လှည့်ဖြားခိုးယူရန် ကြိုးပမ်းမှုများအတွက် ပစ်မှတ်ထားခံရနိုင်ခြေ ပိုများပါသည်။ ၎င်းတို့တွင် ပါဝင်သည်များမှာ -

Meta ဖြင့် ကြော်ငြာသည့် လုပ်ငန်းများနှင့် ချိတ်ဆက်ထားသော အကောင့်များ၊ ဥပမာ - စာမျက်နှာစီမံသူ အကောင့်များ သို့မဟုတ် လုပ်ငန်းစီမံရေးတစ်ခုတွင် ထည့်သွင်းထားသော အကောင့်များ
စောင့်ကြည့်သူများစွာရှိသော ဖန်တီးသူများနှင့် လွှမ်းမိုးသူများ
နိုင်ငံရေးသမားများနှင့် ဂျာနယ်လစ်များကဲ့သို့သော လူထုအရေး ဆောင်ရွက်သူများ
Meta မှ အတည်ပြုပြီး တွင် စာရင်းပေးသွင်းထားသည့် ဖန်တီးသူများနှင့် လုပ်ငန်းများ

အဆင့်မြင့် ကာကွယ်ရေးစနစ်သည် ဤအကောင့်များကို လျှို့ဝှက်ကီးများ၊ နှစ်ဆင့်ခံလုံခြုံရေးစနစ် သို့မဟုတ် ခိုင်မာသော စကားဝှက် သတ်မှတ်ချက်များကဲ့သို့သော ပိုမိုခိုင်မာသည့် လော့ဂ်အင်ဝင်ရန် နည်းလမ်းများကို လုပ်ဆောင်စေခြင်းဖြင့် လုံခြုံစွာ ရှိနေစေရန် ကူညီပေးပါသည်။ ၎င်းသည် အလားအလာရှိသော အကောင့်ခိုးယူမှု အန္တရာယ်များကို စောင့်ကြည့်ခြင်းအပါအဝင် ထပ်ဆောင်း ဘေးကင်းလုံခြုံရေး ကာကွယ်မှုစနစ်များကိုလည်း ပံ့ပိုးပေးပါသည်။

အဆင့်မြင့် ကာကွယ်ရေးစနစ်ကို အကောင့်အချို့အတွက်သာ လိုအပ်ပါသည်

အချို့သော Facebook အကောင့်များသည် အဆင့်မြင့် ကာကွယ်ရေးစနစ်ကို ဖွင့်ထားရန် လိုအပ်ပါသည်။ ၎င်းအကောင့်များသည် အီးမေးမှတစ်ဆင့်နှင့် Facebook ပေါ်တွင် အသိပေးချက်များ လက်ခံရရှိပါမည်။ လိုအပ်သောအကောင့်များတွင် အောက်ပါတို့ပါဝင်သည် -

နိုင်ငံရေးသမားများနှင့် ဂျာနယ်လစ်များကဲ့သို့သော လူထုအရေး ဆောင်ရွက်သူများ
Meta ဖြင့် ကြော်ငြာသည့် လုပ်ငန်းစီမံရေးများတွင် ထည့်သွင်းထားသော အကောင့်များ
လစဉ် ငွေတောင်းခံခြင်းကို အသုံးပြုခွင့်ရှိသည့် လုပ်ငန်းစီမံရေးများတွင် ထည့်သွင်းထားသော အကောင့်များ
စောင့်ကြည့်သူများစွာရှိပြီး လူအများအပြားထံ ပျံ့နှံ့ရောက်ရှိနိုင်ခြေရှိသည့် စာမျက်နှာများ သို့မဟုတ် ပရိုဖိုင်များနှင့် ချိတ်ဆက်ထားသည့် အကောင့်များ

သင့်အကောင့်တွင် အဆင့်မြင့် ကာကွယ်ရေးစနစ်ရှိရန် လိုအပ်ပါက နှစ်ဆင့်ခံလုံခြုံရေးစနစ်ကို ဖွင့်ရန် သို့မဟုတ် လျှို့ဝှက်ကီးတစ်ခု ဖန်တီးရန် လိုအပ်ပါမည်။

အဆင့်မြင့် ကာကွယ်ရေးစနစ်ကို ဖွင့်ရန်

Facebook ၏ ညာဘက်ထိပ်ရှိ သင်၏ ပရိုဖိုင်ဓာတ်ပုံကို နှိပ်ပါ။
ဆက်တင်များနှင့် ကိုယ်ရေးလုံခြုံမှုကို နှိပ်ပါ။ ထို့နောက် အကောင့်စင်တာ သို့မဟုတ် Meta အကောင့်ကို နှိပ်ပါ။
စကားဝှက်နှင့် လုံခြုံရေးကို နှိပ်ပါ။
အဆင့်မြင့် ကာကွယ်ရေးစနစ်ကို နှိပ်ပါ။
မျက်နှာပြင်ပါ ညွှန်ကြားချက်များအတိုင်း လုပ်ဆောင်ပါ။ သင့်အကောင့်ကို အားနည်းချက်များ ရှာဖွေရန် ကျွန်ုပ်တို့ စစ်ဆေးမည်ဖြစ်ပြီး လျှို့ဝှက်ကီးတစ်ခု ဖန်တီးရန်၊ ပိုမိုခိုင်မာသော စကားဝှက် ရွေးချယ်ရန် သို့မဟုတ် နှစ်ဆင့်ခံလုံခြုံရေးစနစ် ဖွင့်ရန် စသည်တို့ပါဝင်သည့် ပြင်ဆင်ရမည့်အရာများကို ကျွန်ုပ်တို့ အကြံပြုပေးပါမည်။
အခုပြင်မယ် ကို နှိပ်ပြီး အဆင့်မြင့် ကာကွယ်ရေးစနစ်ကို အပြီးသတ် ဖွင့်ရန် ညွှန်ကြားချက်များအတိုင်း လုပ်ဆောင်ပါ။

ကျွန်ုပ် ရရှိခဲ့သော အဆင့်မြင့် ကာကွယ်ရေးစနစ်အကြောင်း အီးမေးသည် တရားဝင်ဖြစ်ကြောင်း ကျွန်ုပ် ဘယ်လိုသိနိုင်မလဲ။

အဆင့်မြင့် ကာကွယ်ရေးစနစ်အကြောင်း အီးမေး ရရှိပါက ၎င်းအီးမေးသည် security@facebookmail.com မှတစ်ဆင့် ကျွန်ုပ်တို့ ပေးပို့လိုက်သော အီးမေး ဟုတ်/ မဟုတ် စစ်ဆေးခြင်းဖြင့် အတည်ပြုနိုင်ပါသည်။ Facebook သည် အီးမေးဖြင့်ဖြစ်စေ၊ Facebook မက်ဆေ့ဖြင့်ဖြစ်စေ သင့်အား စကားဝှက်မေးမြန်းခြင်းကို မည့်သည့်အခါမှ မလုပ်ဆောင်ပါ။

အချက်အလက် လိမ်လည်ခိုးယူရန် ကြိုးပမ်းမှုများကို သတိပြုပြီး ပေးပို့သူကို အတည်မပြုနိုင်သရွေ့၊ အကြောင်းအရာသည် ဘေးကင်းမှုရှိ/မရှိ မသိရသေးသရွေ့ လင့်ခ်များကို မနှိပ်ပါနှင့် သို့မဟုတ် ပူးတွဲဖိုင်များကို မဖွင့်ပါနှင့်။ သင့်အကောင့် လုံခြုံအောင် မည်ကဲ့သို့ထားရှိပြီး အချက်အလက် လိမ်လည်ခိုးယူရန် ကြိုးပမ်းမှုများမှ သင့်ကိုသင် မည်ကဲ့သို့ ကာကွယ်ရမည်ကို ပိုမိုလေ့လာကြည့်ပါ။

အဆင့်မြင့် ကာကွယ်ရေးစနစ်ကို ဖွင့်ထားရန်လိုအပ်ကြောင်း အသိပေးချက်တစ်ခုကို ကျွန်ုပ် လက်ခံရရှိခဲ့ပါသည်

ဤအသိပေးချက်ကို သင် ရရှိထားပါက သင့်အကောင့်ကို ပို၍ခိုင်မာသော လုံခြုံရေးစနစ် လိုအပ်နေသည်ဟု သတ်မှတ်ထားခြင်းကြောင့် ဖြစ်ပါသည်။ အဆင့်မြင့် ကာကွယ်ရေးစနစ်ကို ဖွင့်ရန် အထက်ပါအဆင့်များအတိုင်း လုပ်ဆောင်ပါ။ သင်သည် စီစဉ်သတ်မှတ်မှုကို ပြီးမြောက်အောင် မဆောင်ရွက်ပါက အချို့သော လုပ်ဆောင်ချက်များ သို့မဟုတ် သင့်အကောင့်ကို အသုံးပြုခွင့် ဆုံးရှုံးနိုင်ပါသည်။

အဆင့်မြင့် ကာကွယ်ရေးစနစ် ဖွင့်ရန် လိုအပ်ကြောင်း ဖော်ပြထားသည့် အသိပေးချက်ကို ကျွန်ုပ် ရရှိခဲ့ပြီး ၎င်းကို မည်သည့်အခါကမျှ မဖွင့်ခဲ့သော်လည်း ယခုအခါ အသိပေးချက်ကို မတွေ့ရတော့ပါ။ ဘာဖြစ်သွားပါသလဲ။

အချို့သော ကိစ္စရပ်များတွင် အကောင့်တစ်ခုသည် ဤလိုအပ်ချက်အတွက် သတ်မှတ်ချက်ပြည့်မီမှု မရှိတော့ခြင်း ဖြစ်နိုင်ပါသည်။ ဤကဲ့သို့သော အကောင့်များသည် အဆင့်မြင့် ကာကွယ်ရေးစနစ်ကို ဖွင့်ရန် မလိုအပ်တော့သလို အသိပေးချက်ကိုလည်း မြင်တွေ့နိုင်တော့မည် မဟုတ်ပါ။ ထပ်ဆောင်း ဘေးကင်းလုံခြုံရေးကို အလိုရှိပါက အဆင့်မြင့် ကာကွယ်ရေးစနစ်ကို သင့်ဆန္ဒအလျောက် ဖွင့်နိုင်ပါသေးသည်။

အဆင့်မြင့် ကာကွယ်ရေးစနစ်ကို ကျွန်ုပ် အသုံးမပြုနိုင်ပါ

သင်သည် အဆင့်မြင့် ကာကွယ်ရေးစနစ် ဖွင့်သည့်နည်းလမ်းကို မတွေ့သော်လည်း သင့်အကောင့် ဘေးကင်းလုံခြုံရေးကို မြှင့်တင်လိုပါက သင့်အကောင့်တွင် ထပ်ဆောင်း ကာကွယ်ရေးစနစ်များ ထည့်သွင်းရန် လျှီု့ဝှက်ကီး ဖန်တီးပုံကို လေ့လာနိုင်ပါသည်။

အဆင့်မြင့် ကာကွယ်ရေးစနစ် အသုံးပြုခြင်းမှ ကျွန်ုပ်မည်သို့ ရပ်ဆိုင်းနိုင်ပါသလဲ။

အဆင့်မြင့် ကာကွယ်ရေးစနစ် ထားရှိရန်လိုအပ်သော အကောင့်များသည် ရပ်ဆိုင်း၍မရပါ။

သင်သည် အဆင့်မြင့် ကာကွယ်ရေးစနစ်ကို မိမိဆန္ဒအလျောက် ဖွင့်ခဲ့ပြီးနောက် ရပ်ဆိုင်းလိုပါက -

သင်အသုံးပြုနေသော အက်ပ်အတွင်းရှိ ဆက်တင်များသို့ သွားပါ။
အကောင့်စင်တာ သို့မဟုတ် Meta အကောင့်ကို နှိပ်ပါ။
နှိပ်ပါ
စကားဝှက်နှင့် ဘေးကင်းလုံခြုံရေး
.
အဆင့်မြင့် ကာကွယ်ရေးစနစ်ကဏ္ဍသို့ သွား၍ အဆင့်မြင့် ကာကွယ်ရေးစနစ်ကို နှိပ်ပါ။
အဆင့်မြင့် ကာကွယ်ရေးစနစ်မှနေ၍ အသုံးပြုမှု ရပ်ဆိုင်းလိုသည့် ပရိုဖိုင်ပေါ်တွင် နှိပ်ပါ။